لمحبى كيك الشكولاته تعالى وجرب

من طرف رنوش الخميس مارس 01, 2012 1:05 pm

ازيكو يا جماعه اخباركو ايه
انا عملت كيكه جميله جدا قلت اقولكوا عليها يمكن تجربوها
اول حاجه المقادير ::
كوب زيت ذره
كوب ونص سكر
كوب ونص دقيق
3بيضات
كيس بكنج بودر وكيس فانيليا
كيس نسكويك اللى هو مشروب الشكولاته
و3 ملاعق كاكو خام
الطريه:: نحط فى الخلاط الزيت والسكر والكاكو والنسكويك ونضربهم كويس
وبعدين ناخد من الخليط دا كوبايه ونحطها على جنب
وبعدين نحط على باقى الخليط البيض والبكنج بودر والفانيليا ونضربهم كويس
وبعدين نحط الدقيق
ونحطها فى الفرن ساعه الا ربع على درجه حراه 180 ومنفتحش عليها خالص
وبعد متستوى وتبرد نحط عليها الكوبايه الى اخدناها من خليط الشكولاته ونحطها فى التلاجه 4 او 5 ساعات هتلاقى طبقه شكولاته كبيره على وش الكيكه وبالهناااااااااااااا

من طرف **كاجول خان** الخميس مارس 01, 2012 2:40 pm

طريقتها سهله
انا بحب اوى اعمل حلويات انا اه ساعت بحس انى عملت حاجة عك
بس هجربها يمكن المرة دى ربنا ينفخ ف صورتها و تطلع حاجة حلوة وتكون مظبوطة
ثانكث يا رنوش