رد: كرسى الاعتراف

من طرف eng.kareem الثلاثاء يناير 31, 2012 6:08 am

اهلا بيكى يا لؤلؤة منورة بس جهزى نفسك علشان هتقعدى على الكرسى بعدى على طول انتى الوجه الجديد

من طرف لؤلؤة الإثنين فبراير 06, 2012 2:40 pm

اوكى ماشى بس يا ريت اقعد على الكرسى قبل ما الدراسة تبدأ

من طرف eng.kareem الإثنين فبراير 06, 2012 3:06 pm

هههههههههههههههههههههههههه
طيب يا جماعه نظرا للدراسه و لؤلؤة عاوزه قبل الدراه
اعتبرى نفسك يا لؤلؤة على الكرسى من انهرده

من طرف لؤلؤة الإثنين فبراير 06, 2012 5:06 pm

خلاص ماشى انا يا جماعة بقيت على الكرسى
هل من اسئلة كرسى الاعتراف - صفحة 7 824890

من طرف rerey الإثنين فبراير 06, 2012 7:39 pm

اهلا بيكى يا لؤلؤة

اول سؤال اسئلهوالك انك تعرفينا بنفسك بشكل تفصيلى؟

ايه اكتر حاجة بتحبها فالدنيا

اية اسوا شىء فى حياتك؟

ماذا تعنى كلمة صداقة فى حياتك؟

من طرف **reem** الإثنين فبراير 06, 2012 7:53 pm

سلام عليكم اولا

ثانيا اهلا يا لؤلؤة

انا احب اسئلك يالؤلؤة

طموحك توصلى لاية؟

ايه اكتر حاجة تديلك احساس بالامان؟

امتى بتضحكى من قلبك بجد وتحسى انك سعيدة اوى؟

من اكتر اشخاص قريبين لقلبك؟

ودمتم سالمين

كرسى الاعتراف - صفحة 7 129925

من طرف nrmeen الثلاثاء فبراير 07, 2012 7:07 am

ازيكو يااصدقائي وحشتوني كتييييييييير ممكن اشترك معاكم ؟ قفاصصضثي

من طرف eng.kareem الثلاثاء فبراير 07, 2012 9:49 am

الاشتراك فى الاسئله مجانا
ايه رايك فى الحياة؟
ايه رايك فى احوال البلد ؟
شيفه مستقبل البلد ايه من وجهة نظرك؟
شويه مرح بقه...............
ايه رايك فى الحب فى الزمن ده؟
هل تعيشى قصة حب؟
ايه رايك فى شارع البحر والحبيبه اللى عليه ؟
هههههههههههههههه
اهم حاجه تبقى فرفوشه

من طرف لؤلؤة الثلاثاء فبراير 07, 2012 12:49 pm

ازيكم يا جماعة واهلا بيكم جميعا واهلا بنرمين وطبعا تقدرى تشتركى فى الاسئلة

انا هبدا بالاجابة على اسئلة ريرى

اعرف نفسى بشكل تفصيلى

انا عضوة معاكو فى المنتدى....هههههههههه

انا طالبة فى كلية العلوم عندى 18 سنة

ا كتر حاجة بحبها فى الدنيا بعد ربنا بابا وماما واخواتى

وبلدى ووطنى مصر اللى معرفش اعيش فى مكان غيرها

اسوأ شىء فى حياتى غالبا بيبقى فى معظم الاوقات او المواقف سوء حظ او عدم توفيق وان ده بيحصل بالذات فى الدراسة

كلمة صداقة كلمة كبيرة بتعنيلى الكثير الصداقة وفاء واحترام واخلاص وتواضع وهى من الضروريات فى الحياة

من طرف لؤلؤة الثلاثاء فبراير 07, 2012 1:14 pm

ثانيا هبدأ الاجابة على اسئلة ريم

طموحى انى اوصل للى انا عاوزاه كله كيميائية كبيرة فى معامل البحث والتكنولوجيا متمنية انى الاقى الامكانيات المتاحة لذلك من غير ما اسافر اى حتة يعنى من غير ما اخرج برة مصر ونفسى يبقى عندى بيت كبير اعيش فيه مع ماما وبابا واخواتى واسرتى فى المستقبل ان شاء الله

ايه اكتر حاجة تحسسنى بالامان حجات كتير

لما الانسان يكون قريب من ربنا بيحس بالامان لما يكون بيرضى ضميره بيحس بالامان لما بيسعى لتحقيق احلامه بيحس بالامان لما يكون بتمتع بالستر وبالسيرة الطيبة والصحية الجيدة بيحس بالامان

امتى بضحك من قلبى بجد واحس ان انا سعيدة

فى مواقف كتير لما اساعد حد بحس انى سعيدة لما اعبر عن رايى ويطلع صح ويتعمل بيه بحس انى سعيدة لما بحقق حاجة انا كنت بتمناها ببقى سعيدة وفى راييى ان اكتر حاجة تخلى الانسان سعيد ومبصوت انه يبقى دايما راضى بالربنا كاتبهوله ويثق كل الثقة ان هو ده الخير وان نعمة الرضا نعمة كبيرة وهى اللى بتجيب النجاح والسعادة

من طرف لؤلؤة الثلاثاء فبراير 07, 2012 2:24 pm

ثالثا هبدأبالاجابة على اسئلة كريم

بالنسبة لرايي فى الحياة

مقدرش اقول راييى بالظبط فى الحياة لانه مش ثابت على وتيرة واحدة وانا شايفة ان ده حاجة طبيعية وان اى انسان ميقدرش يقول راييه الحاسم فى الحياة ليه بقى.. لان احنا عايشين والايام دول بيننا يوم يعدى وحياة الانسان مستقرة هادئة خالية من الهموم والعواقب يوم يكون فيه الانسان سليم ومعافى عايش فى سلام وامان بياكل وبيشرب وبيدرس ومفيش اى مشاكل ولو سالت الانسان عن راييه فى الحياة فى هذا اليوم هيقولى يا سلام دى الحياة جميلة ورائعة ومفيش اروع منها حاجة .... لكن بيعدى يوم تانى على نفس الانسان فيه مشاكل وعواقب مثلا تعب بمرض معين او مر بضائقة مالية او اتخانق مع حد من اسرته او فقد انسان عزيز عليه او فشل فى تحقيق احلامه واو اتخدع فى شخص كان بيثق فيه ساعتها لو سالت نفس الانسان تانى عن الحياة هيقول ملهاش لازمة وممكن يقولى ربنا يا خدنى

لذلك فانا راييى انه تاتى الرياح بما لا تشتهى السفن احيانا بيكون الانسان عاوز حياته عى شكل معين فيلاقى حياته فى الواقع ليست على هذا المنهج

وزى ما قلت قبل كدة لكى تكون الحياة سعيدة لابد وان تتواجد نعمة الرضا لان هى اللى بتجيب السعادة

راييى فى احوال البلد

احوال البلد لاتسر عدو ولا حبيب زى ما بيقولو وأنا لما يحدث فيكى يا مصر لمحزونون لمحزونون.. ولكن ان شاء الله مع العسر يسرا وما ضاقت الا ما فرجت والمشير عجل بالانتخابات الرئاسية وده شىء كويس وانا اتمنى لما ننتخب الرئيس ويتم تسليم السلطة ان هذا الرئيس بالتعاون مع الحكومة ومجلس الشعب والمصريين اللى ان شاء الله ربنا يهديهم وينفخ فى صورتهم ويبقوا اجابييين شوية فى حياتهم انهم ييحققوا التقدم والامن والامان لمصر وتعدى المرحلة دى على خير

شايفة مستقبل البلد ازاى

ان شاء الله وبالرغم من ما حدث وما يحدث وما سوف يحدث فى هذه الايام العصيبة انا متفائلة خير وان مصر ان شاء الله ذاهبة الى الخير باذن الله يقوم يرد عليا حد ويقولى عجبك الانفلات الامنى اللى فى البلد فين ايامك يا مبارك فينك يا امن الدولة اللى كان محدش يقدر يكح فى البلد بحسك نارهم ولا جنة غيرهم ... ويرد عليا واحد تانى ويقولى عجبك اللى بيحصل ده ماله مبارك كانت البلد مستقرة وزى الفل وكنا عايشين الحجات كانت غاليه اهى الثورة قامت والحجات غلت الضعف انا هرد على الناس دول وقلهم ... انى انا معترضة على كل اللى بيقولوه هى الشرطة مش تدينا عفوا فى اللفظ بالجزمة وتتحققلنا الامان ويبقوا اسيادنا ياما يسيبوا البلد ملطشة لكل من هب ودب وكانهن بيقولولنا يا نبقى اسيادكو وندخل بيوتكو فى اى وقت ونجرجر اى مواطن بمزاجنا مستخدمين قانون الطوارىء وفى المقابل نححقلكو الامن يا اما هنسيبكو كدة للحرمية والبلطجية وعيشو مع نفسكوا لأ ومليون لأ احنا محدش يستعبدنا لا الشرطة ولا غيرها الشرطى يقوم بدوره يحقق الامن ويقبض على المجرمين ويعاقب المخطىء واى حد يخطىء فى حق هذا البلد ينال جزائه من السجن والعقاب مع احترام المواطنين الشرفاء والحفاظ على حرمة البيوت و احترام كرامة المصرى هو لما الشرطة تهينا وتستعبدنا ودول مصريين زيينا سابو ايه اللى بره.... برده امن الدوله جهاز مهم وضرورى بس لازم برده يحترم الخصوصيات ومش اى حد سلفى او اخوانى يتجر على المعتقل ومش اى طالب فى الجامعة ينادى بالاصلاح ويقدم خدمة لكليته يتفصل منها او حتى يجمع صحابه فى ركن ويصلو جماعة يقومو كلهم محرومين من الامتحان يعنى ببساطة امن الدولة يقوم بدوره بحكمة مش ياخد اى حد افكاره معاديه للنظام على المعتقل اما بالنسبه للرئيس السابق فلا تعليق... وان شاء الله بانتخاب الرئيس المدنى وبالتعاون مع الجيش المصرى المحترم اللى حافظ على الناس فى وقت الثورة ومضربش فيهم زى ما حصل فى ليبيا وسوريا يتعاونو مع بعض ويصلحو اجهزة الدولة كلها ويقضو على رموز الفساد

معلش طولت عليكو.... هل تعيشى قصة حب؟

الاجابة لأ

راييى فى شارع البحر

جميل طبعا ده كفاية منظر النيل الصبح بدرى بعد الشروق يعنى بالظبط الساعة سبعة حاجة تحفة وكمان منظر النيل وقت الغروب حاجة روعة

بالنسبة بقى للحبيبة اللى عليه

مش عيب ان اى حد يخرج مع زوجته او خطيبته ويتفسحو على النيل العيب انى احنا نشوف اوضاع مش كويسة يقوم واحد يقولى الناس دول مبيرحموش حد وبيتكلمو عمال على بطال فى الفاضى والمليان وانا خارج مع زوجتى او خطيبتى ومبعملش حاجة غلط ويتحرقو الناس ويتحرق الكلام اللى بيقولوه ارد عليه واقوله لأ انت طبعا غلطان من وجهة نظرى الفسح لهى عيب ولا حرام والخروج للتنزه مش جريمة والتمشية على النيل مش حاجة عيب العيب انى ابقى قاعد مع زوجتى او خطيبتى فى هذا المكان المفتوح يعنى فى الشارع ونبقى قاعدين زى ما نكون فى بيتنا واعتقد ان انتو فاهمينى يعنى مشوهش بقعدتى دى سمعة شارع البحر ويتقال عليه انه مكان بيلم..... والحجات اللى بسمعها ولازم احترم الناس اللى ماشية فى شارع البحر والناس اللى راكبة فى المواصلات وراعى ان احنا مش فى باريس ولا لندن

اسفة مرة تانية يا جماعة انا طولت اوى فى الاجابة على اسئلة كريم انا بصراحة كان نفسى حد فيكم يسالنى عن البلد واوضاعها

منتظرة المزيد من اسئلتكم

من طرف **reem** الثلاثاء فبراير 07, 2012 8:09 pm

ميرسى لردك يا لؤلؤة بجد كلامك وردودك كلها جميله جدا

وكريم كمان سبقنا كلنا وجاب اسئلة حلوة وردودك ووجهة نظرك بجد تخلينى ارفعلك الشبوه وانحنيلك احتراما

وكمان ادعيلك بالتوفيق فى حياتك العلمية والعملية

وانك توصلى لاعلى مكانه وكلنا نفتخر بيكى

كرسى الاعتراف - صفحة 7 302339

من طرف لؤلؤة الأربعاء فبراير 08, 2012 6:37 am

شكرا يا ريم وربنا يخليكى طول عمرك زووووووق

وانا برده منتظرة اسئلتكم

من طرف **كاجول خان** الجمعة فبراير 10, 2012 4:41 pm

اهلا بيكم يا جماعة وحشتووووووووووووووووووووووووونى اوى اوى اوى اوى
وشكلكم كدة مشتاقين لأسئلتى انا بالذات
لان طبعا اسئلتى مميزة
يلا بسم الله الرحمن الرحيم
هالوز عليكى يا لؤلؤة ويلا اجهزى للأسئلة
يوم فرحك انشاء الله وباذن الله كده تحبى فستان فرحك يكون شكلة ايه؟
مين اكتر شخص تحب تقوليلوا ربنا ياخدك؟
وكفاية كده عليا

من طرف **reem** الجمعة فبراير 10, 2012 5:46 pm

هههههههههههههههههههههه

هى دى اسئلتك المميزة ياحركات والله جبتى تايه

ههههههههههههههههههههه

كرسى الاعتراف - صفحة 7 155518

من طرف **كاجول خان** الجمعة فبراير 10, 2012 5:54 pm

اعمل ايه
والله انا مفيش منى
ربنا يخلينى ليكوا يا جماعة
كرسى الاعتراف - صفحة 7 133816

من طرف كوكا الجمعة فبراير 10, 2012 6:53 pm

والله الموضوع حلو كتيررررررر ياجماعه انا عضوه جديده وبرحب بي كل الموجودين صباح الخيرررررررررررررررر

من طرف **كاجول خان** الجمعة فبراير 10, 2012 6:54 pm

صباحك لوز العنب

من طرف لؤلؤة السبت فبراير 11, 2012 7:40 am

صباح النور يا كوكا واهلا ومرحبا بيكى ممكن كمان تبقى تشتركى معانا

بالنسبة لاسئلة كاجول خان

فستان فرحى عمرى ما احدد شكله الوقتى لان ده برده بيعتمد على الموضة وانا اساسا يا كاجول ما بحبش الافراح الزحمة احلى حاجة الفرح العائلى

مين احب اقوله ربنا ياخدك

محدش طبعا عمرى ما اقول كده لحد مهما كان بينى وبينه خلافات

من طرف كتكوتة السبت فبراير 11, 2012 5:42 pm

حلوة اوى الموضوع ده
واتمنى اشترك معاكم
كرسى الاعتراف - صفحة 7 667828

من طرف همسة حب الأحد فبراير 12, 2012 8:49 am

فعلا الموضوع حلوة وانا عايزة

اشترك معاكم فالكرسى

كرسى الاعتراف - صفحة 7 155518

من طرف eng.kareem الأحد فبراير 12, 2012 2:22 pm

والله يجماعه لما كل الناس تسئل لؤلؤة وتتهرى اسئله نختار حد من الناس الجديده دى ونقعدها على الكرسى الكرسى مش بيدوم لحد هههههههههههههههههههههههههههههههههههههه

من طرف لؤلؤة الأحد فبراير 12, 2012 3:00 pm

اهلا وسهلا بيكم يا جماعة وطبعا تقدرو تشتركو فى الاسئلة

من طرف **reem** الأحد فبراير 12, 2012 4:37 pm

هههههههههههههه من نحية مبيدومش هو مش بيدوم

وعشان كده عايزن كل الموجودين يسئلوا لؤاؤة عشان نعرف بعدها الدور على مين

وتسلم يا كريم موضوعك حلوو من يومه

بس عايزن الجديد كمان؟

من طرف eng.kareem الإثنين فبراير 27, 2012 4:42 pm

يا جماعه بمناسبه عيد ميلاد كاجول خان
هنقعدها على الكرسى من اول انهرده لنهايت الاسبوع اللى جاى والحاضر يسمع الغايب وخلى الجروب يهيص بقه