طريقه عمل اللحمه الباردة

من طرف rawan الثلاثاء فبراير 22, 2011 8:02 am

طريقة عمل اللحمة الباردة-
طريقة عمل اللحمة الباردة بالصور
المقادير

عرق لحم ( نطلبه من عند الجزار حسب الوزن اللي عاوزينة
)

خيط الجزار ( نطلبه من
عند الجزار برضه )

8 فصوص
ثوم ( ممكن نزودهم حسب الطلب)

3 معالق كبيرة سمنة

ملح / فلفل اسود / بهارات / حبهان

خضار مختلف ( جزرة مقطعة / بطاطس مقعة / بازلاء / اي
خضار تحبي تضيفيه )

الطريقة

نخرم
اللحمة في اماكن مختلفة بطرف السكينة و نحط في الأماكن دي فصوص الثوم (ممكن نتبل
التوم بملح و فلفل الأول)

في نفس الأماكن اللي حطينا فيها الثوم ممكن نحط الحبهان , بس يفضل
منكترش من الحبهان

نلف
اللحمة بخيط الجزار ( فيه ناس بتلفها بدوبار , بس خيط الجزار أحسن لأنه حاجه طبيعية
و هتدي طعم لذيذ)

بعد لما
نلف اللحمة كوس بحيث ان الثوم ميطلعش ولا يقع منها نبدأ نسخن السمنه في قلاية غويطه
و نحط فيها عرق اللحمة

نبدأ
في الأول نشوح اللحمة , نقلبها على كل جنب لحد لما كلها تتشوح , بعد كدا نغطيها 10
دقايق لحد لما تبدأ تنزل الميه بتاعتها

نحط قطع البطاطس و الجزر و الخضار , بس منحطش كتير , عشان يستوي كويس
, يعني مجرد قطع قليلة و بسيطة تضيف طعم بس

نضيف الملح و الفلفل بتاعنا و
البهارات

نبص عليها كل شوية
و نقلبها يمين و شمال , و كل ما تشرب الميه بتاعتها نضيف شوية ميه من عندنا ( الميه
تبقا دافيه شوية مش من الحنفية )

نختبر اللحمة كل شوية بالشوكة , اول ما نلاقي سواها بقا كويس نشيلها
من على النار ( بتاخد تقريبا 45 دقيقه على النار )

أول ما تستوي , نرفعها و نصفيها من الصوص بتاعها , و
نستنا انها تبرد و نقطعها شرائح (ممكن بعد لما نطلعها من النار نحطها في الفرن فوق
5 دقايق على الشواية العلوية عشان وشها ينشف و يتحمر , بس دي حاجه اختيارية
)

بنحطها في اطباق و نصب
عليها من الصوص و نحط حواليها البطاطس و الجزر و الخضار اللي كان
معاها

من طرف rerey الخميس فبراير 24, 2011 12:19 pm

جميله يا رورواااا
واكيد كتير مننا بيحبها
وكان عايز يعرف ازاى طريقه عملها
مشكووووره ع مجهودك
ومستنين الاكتر من الموااااهب
طريقه عمل اللحمه الباردة 118693

من طرف **كاجول خان** الخميس فبراير 24, 2011 6:05 pm

هو عرق اللحمة ممكن يتجاب لوحده والله اول مرة اعرف

طريقه عمل اللحمه الباردة

طريقه عمل اللحمه الباردة

رد: طريقه عمل اللحمه الباردة

رد: طريقه عمل اللحمه الباردة